မနက်စာမစားဘဲနေခြင်းဟာ အဝလွန်ခြင်း၊ နှလုံးရောဂါနဲ့ ဆီးချိုရောဂါတွေဖြစ်စေဖို့ ပိုမိုအန္တရာယ်မြင့်တက်ကြောင်း အမေရိကန် နှလုံးကျန်းမာရေးပညာရှင်တွေက သတိပေးလိုက်ပါတယ်။ အမေရိကန်ပြည်ထောင်စုရှိ အရွယ်ရောက်ပြီးသူ သုံးပုံတစ်ပုံဟာ မနက်စာ မစားဖြစ်ကြဘူးလို့လည်း သိရပါတယ်။ မနက်စာကို မစားဘဲနေရင် သွားရေစာတွေကို တစ်နေ့လုံး ပိုစားမိသွားတာကြောင့် ကျန်းမာရေးအတွက် မကောင်းဘူးလို့ သတိပေးထားကြပါတယ်။

အမေရိကန်နှလုံးကျန်းမာရေး အဖွဲ့အစည်းရဲ့ အဆိုကို ဗြိတိန်က ကျွမ်းကျင်သူပညာရှင်တွေကလည်း ထောက်ခံထားကြပါတယ်။ ဗြိတိန်မှာလည်း မနက်စာမစားကြသူတွေ အများကြီးရှိနေပြီး ကျန်းမာရေးကို ထိခိုက်စေတယ်လို့ ဆိုပါတယ်။ မနက်စာမစားသူတွေဟာ ရုတ်တရက်နှလုံးရပ်တန့်သွားမှု (Heart Attack) ဖြစ်နိုင်ခြေ ၂၇ ရာခိုင်နှုန်း၊ လေဖြတ်နိုင်ခြေ ၁၈ ရာခိုင်နှုန်း ပိုပြီးများသွားကြောင်း ကိုလံဘီယာတက္ကသိုလ်က ပရော်ဖက်ဆာ မာရီ ပီရဲရား စိန့်အွန်းရဲ့ သုတေသနကလည်း ဖော်ပြထားပါတယ်။

မနက်စာ မစားဘဲနေတဲ့အခါ နေ့လယ်စာမှာ ပိုပြီးစားဖြစ်သွားကြပါတယ်။ ညဘက်မှာ အစာပိုစားမိဦးမှာမို့လို့ အိပ်စက်ချိန်ဟာ အနားမရဘဲ ခန္ဓာကိုယ်က အစာကိုခြေဖျက်နေရတာကြောင့် ဆီးချိုလည်း ဖြစ်နိုင်ပါတယ်။ အစာစားချိန်တွေက ပုံမှန်မဟုတ်တော့လို့ တစ်နေ့လုံးလည်း သွားရေစာတွေကို ပိုစားမိသွားပါတယ်။ မနက်စာမှာသာ ကယ်လိုရီ ၇၀၀ ပြည့်အောင် စားလိုက်မယ်ဆိုရင် နေ့လယ်ဘက်နဲ့ ညဘက်တွေမှာ သိပ်စားဖြစ်တော့မှာလည်း မဟုတ်ပါဘူး။ မနက်စာ စားခြင်းကြောင့် တစ်နေ့တာလှုပ်ရှားဖို့ ခွန်အားလည်းပြည့်နေမှာ ဖြစ်ပါတယ်။

Source : Mail Online

မနက်ခင်းပိုင်းမှာ သောက်သင့်တဲ့အရာတွေ

ကော်ဖီမဟုတ်ဘဲနဲ့ တခြားသောက်စရာတွေ ရွေးချယ်ကြည့်ပါ။

တစ်နေ့တာလုံး လုပ်ကိုင်ကြံစည်သမျှတွေ အဆင်ပြေအောင်မြင်ဖို့ဆိုတာ မနက်ခင်းပိုင်းမှာ လန်းဆန်းတက်ကြွနေမှ ဖြစ်မှာပါ။ မနက်စာကို မစားဘဲမနေပါနဲ့။ ကျန်းမာရေးနဲ့ညီညွတ်တဲ့ မနက်စာက ခွန်အားတွေပေးပါတယ်။ မနက်ခင်းပိုင်းမှာ နိုးကြားနေဖို့ ကော်ဖီသောက်လေ့ရှိတယ်မဟုတ်လား။ ကော်ဖီမဟုတ်ဘဲနဲ့ မနက်ခင်းပိုင်းမှာ သောက်သင့်တာတွေလည်း ရှိပါသေးတယ်။

၁။ Green Tea

လက်ဖက်ခြောက် ရေနွေးကြမ်းကို ကော်ဖီအစားထိုး သောက်နိုင်ပါတယ်။ အစာမကြေတာတွေကိုလည်း လျော့ပါးစေပြီး အရိုးပွရောဂါ၊ ကင်ဆာနဲ့ နှလုံးရောဂါတွေမဖြစ်အောင်လည်း ကာကွယ်ပေးနိုင်ပါတယ်။ သွေးကြောတွေကို သက်တောင့်သက်သာဖြစ်စေပြီး သွေးပျစ်တာ၊ သွေးခဲတာတွေကို မဖြစ်စေပါဘူး။ ဖလူအိုရိုက် (Fluoride) လည်း ပါဝင်လို့ သွားတွေအတွက်လည်း ကောင်းပါတယ်။

၂။ နွားနို့

မနက်ပိုင်းမှာ နွားနို့သောက်ထားရင် ခန္ဓာကိုယ်အတွက် ပိုပြီး အာဟာရဖြစ်စေပါတယ်။ ကာဘိုဟိုက်ဒြိတ် (Carbohydrate) နဲ့ အသားဓာတ် (Protein) ပါဝင်လို့ ခွန်အားလည်းဖြစ်စေပါတယ်။ အရိုးနဲ့သွားတွေကို သန်မာအားကောင်းစေတာကိုလည်း သိထားပြီးဖြစ်မှာပါ။

၃။ ချောကလက်အပူ

ချောကလက်က စိတ်ကိုတက်ကြွပျော်ရွှင်စေလို့ မနက်ခင်းပိုင်းမှာ စိတ်အာရုံခံစားမှု နိုးကြားစေမှာပါ။ ဒါ့အပြင် နှလုံးကျန်းမာရေးအတွက်လည်း ချောကလက်ကို စားသုံးပေးသင့်ပါတယ်။

၎။ လိမ္မော်ရည် (Orange Juice)

ပေါ့ပါးလန်းဆန်းစေဖို့အတွက်တော့ လိမ္မော်ရည်က အသင့်တော်ဆုံးပါပဲ။ ချိုချဉ်အရသာလေးက လူကိုလန်းဆန်းစေပါတယ်။ ဗီတာမင်စီ (Vitamin C) ကြွယ်ဝလို့ ကိုယ်ခံစွမ်းအားစနစ်ကို အားကောင်းစေပြီး အရွယ်တင်နုပျိုစေပါတယ်။ ကင်ဆာရောဂါတွေကိုလည်း ကာကွယ်ပေးမယ့်အပြင် ခန္ဓာကိုယ်ကို ရောဂါပိုးမွှားတွေ မ၀င်ရောက်အောင်လည်း တားဆီးပေးပါလိမ့်မယ်။

Source : Organic

မလုပ်သင့်တဲ့အရာ (၇) ခု

အိပ်ရာက နိုးပြီးဖြစ်လင့်ကစား ဆက်ပြီးလဲလျောင်းနေဦးမယ်ဆိုရင်တော့ ကျန်းမာရေးနဲ့ ညီညွတ်မှာမဟုတ်ပါဘူး။

ကိုယ့်ရဲ့တစ်နေ့တာလှုပ်ရှားဆောင်ရွက်မှုတွေဟာ မနက်ခင်း အိပ်ရာနိုးနိုးခြင်းနဲ့ စတင်ပါတယ်။ မလုပ်သင့်တာတွေကို လုပ်နေရင်းက လုပ်သင့်တာတွေကို မလုပ်ဖြစ်တဲ့အခါ ကိုယ်ပဲ နစ်နာရတာပါ။ ကျန်းမာရေးအတွက်သာမက ဘဝအောင်မြင်မှုအတွက်ပါ ကောင်းကျိုးတွေရဖို့ မနက်အိပ်ရာနိုးနိုးချင်းမှာ ဒါတွေကို မလုပ်မိဖို့ လိုပါတယ်။

၁။ တစ်မှေးပြန်အိပ်ခြင်း

အိပ်ရာနိုးပြီဆိုတာနဲ့ တစ်မှေးလောက်ပြန်မှေးလိုက်ဦးမယ်ဆိုတာမျိုး မလုပ်ပါနဲ့။ ဦးနှောက်က အိပ်စက်မှုစက်ဝန်းကို ပြန်ဆွဲခေါ်သွားပါလိမ့်မယ်။ နောက်တစ်ကြိမ်ပြန်နိုးလာရင်လည်း မူးနောက်နောက်ကြီး ခံစားနေရတတ်ပါတယ်။

၂။ ကော်ဖီသောက်ခြင်း

ခန္ဓာကိုယ်မှာ လူကိုနိုးကြားစေတဲ့ ကော်တီဇောလို့ခေါ်တဲ့ ဟော်မုန်းတစ်မျိုး အလိုလိုထွက်ရှိနေပြီးသားပါ။ ကဖင်းဓာတ်ကြောင့် ခန္ဓာကိုယ်ရဲ့ ကော်တီဇောဟော်မုန်းထွက်ရှိမှု အနှောင့်အယှက်မဖြစ်ပါစေနဲ့။ အိပ်ရာနိုးနိုးချင်း ကော်ဖီသောက်လိုက်ရင် ကော်တီဇောဟော်မုန်းတွေ ထွက်ရှိမှု နည်းသွားမှာ ဖြစ်ပါတယ်။

၃။ အီးမေးလ်စစ်ခြင်း

မနက်အိပ်ရာနိုးနိုးချင်း ဖုန်း ဒါမှမဟုတ် ကွန်ပျူတာကို ချက်ချင်းဖွင့်ပြီး အီးမေးလ်စစ်တာမျိုးလည်း မလုပ်သင့်ပါဘူး။

၎။ အရေးမကြီးတဲ့ဆုံးဖြတ်ချက်တွေ

ဖေ့စ်ဘွတ်အမှုဆောင်အရာရှိချုပ် မာ့ခ်ဇူကာဘတ်ကတော့ မနက်ခင်းမှာ ဘာဝတ်ရမလဲဆိုတဲ့ အရေးမကြီးတဲ့ဆုံးဖြတ်ချက်တွေအတွက် အချိန်မပေးချင်လို့ ပုံစံတူ အရောင်တူဝတ်စုံပေါင်း ၂၀ ကို ထားရှိပြီး အသင့်ဝတ်ဆင်ပါသတဲ့။ ကိုယ်ကတော့ ဒါမျိုးမလုပ်ချင်ဘူးဆိုရင် ညကတည်းက ဝတ်စုံကိုကြိုထုတ်ထားရုံပေါ့။

၅။ အမှောင်ထဲမှာ ဆက်နေခြင်း

အလင်းအမှောင်ဟာ ခန္ဓာကိုယ်ကို တိုက်ရိုက်သက်ရောက်မှုရှိပါတယ်။ မှောင်လာရင် အိပ်ရမယ်ဆိုတဲ့အသိ ဝင်နေပြီး လင်းနေရင်နိုးနေတတ်ပါတယ်။ ဒါကြောင့် အိပ်ရာနိုးပြီဆို အမှောင်ထဲမှာ ဆက်ပြီးမနေပါနဲ့တော့။

၆။ အိပ်ရာထဲမှာ ဆက်ပြီးလဲလျောင်းခြင်း

အိပ်ရာက နိုးပြီးဖြစ်လင့်ကစား ဆက်ပြီးလဲလျောင်းနေဦးမယ်ဆိုရင်တော့ ကျန်းမာရေးနဲ့ ညီညွတ်မှာမဟုတ်ပါဘူး။ မနက်စာမစားခင်လေး လေ့ကျင့်ခန်းနည်းနည်းလောက်လုပ်လိုက်တာ ပိုအကျိုးရှိပါတယ်။ မနက်စာမစားမီ လေ့ကျင့်ခန်းလုပ်ခြင်းက အခြားအချိန်တွေမှာ လေ့ကျင့်ခန်းလုပ်တာထက် အဆီတွေကို ပိုပြီးလောင်ကျွမ်းစေနိုင်လို့ပါပဲ။