လွတ်လပ်ရေး ဖခင်ကြီး ဗိုလ်ချုပ်အောင်ဆန်းရဲ့ကြေးရုပ်တုကို နေပြည်တော်ကောင်စီနယ်မြေက တော်လှန်ရေးပန်းခြံ(စစ်ရေးပြကွင်း) ထဲမှာ စိုက်ထူဖို့ စီစဉ်နေတယ်လို့ တပ်မတော်အသိုင်းအဝိုင်းနဲ့ နီးစပ်သူတွေဆီကနေ သိရပါတယ်။
ကိုးပေအမြင့်ရှိတဲ့ ဗိုလ်ချုပ်အောင်ဆန်းကြေးရုပ်ထုကို နေပြည်တော်ကောင်စီနယ်မြေရှိတော်လှန်ရေးပန်းခြံမှာ စိုက်ထူထားတဲ့ ပထမမြန်မာနိုင်ငံတည်ထောင်သူ အနော်ရထာ၊ ဒုတိယမြန်မာနိုင်ငံတည်ထောင်သူ ဘုရင့်နောင်၊ တတိယမြန်မာနိုင်ငံတည်ထောင်သူ အလောင်းဘုရားရုပ်တုတွေနားမှာ ဗိုလ်ချုပ်အောင်ဆန်းကြေးရုပ်ကို စိုက်ထူသွားမယ်လို့ သိရပါတယ်။
လာမယ့် မတ်လ ၂၇ ရက်(တပ်မတော်နေ့) မတိုင်ခင် အဆိုပါကြေးရုပ်တုစိုက်ထူဖို့ စီစဉ်နေတယ်လို့ တပ်မတော်အသိုင်းအဝိုင်းနဲ့ နီးစပ်သူတစ်ဦးက ပြောပါတယ်။
play
နေပြည်တော်တွင် စိုက်ထူထားရှိမည့် ဗိုလ်ချုပ်ကြေးရုပ်ကိုတွေ့ရစဉ်။
နေပြည်တော်တွင်ထားရှိမယ့် ကြေးသွန်းဗိုလ်ချုပ်ကြေးရုပ်တုက ရာနှုန်းပြည့်ပြီးစီးနေပြီဖြစ်ပြီး အဆိုပါကြေးရုပ်တုကို သွန်းလောင်းခဲ့တဲ့ မန္တလေးမြို့တမ္ပဝတီရပ်မှ ကြေးသွန်းပညာရှင် ဦးဝင်းမောင်က ပြောပါတယ်။
“နေပြည်တော်မှာ ထားမယ့်ကြေးရုပ်လို့ပဲ သိရတယ်။ လူပုဂ္ဂိုလ်တစ်ဦး လာအပ်လို့လက်ခံဆောင်ရွက်ပေးထားတာပါ။ ဈေးကွက်စည်းကမ်းအရ ဈေးနှုန်းကတော့ ပြောလို့မဖြစ်လို့ပါ”လို့ ဦးဝင်းမောင်က ပြောပါတယ်။
နေပြည်တော်မှာထားရှိမယ့် ကြေးရုပ်တုက အမြင့်ကိုးပေ၊ အလေးချိန်ကြေးပိဿာ ၃၀ဝ ဝန်းကျင်ရှိပြီး ရန်ကုန်မြို့ ဗိုလ်ချုပ်အောင်ဆန်း နေအိမ်ပြတိုက်နားက ပန်းခြံမှာစိုက်ထူထားတဲ့ ကြေးရုပ်တုနဲ့ ပုံစံတူဖြစ်ပြီး လောလောဆယ်မှာ လုပ်ငန်းပြီးစီးနေပြီဖြစ်လို့ သယ်ယူပို့ဆောင်ရေး လုပ်ငန်းပိုင်းသာ ကျန်တော့တယ်လို့ ဆိုပါတယ်။
Source : The Voice
Photos : The Voice
Post A Comment:
0 comments: